rishabh pant and rohit sharma



ऑनलाइन टिम :

sports news- भारत विरुद्ध इंग्लंड (IND vs ENG) यांच्यात चेन्नईमध्ये दुसरी टेस्ट सुरु आहे. स्पिन बॉलिंगला साथ देणाऱ्या चेन्नईच्या पिचवर भारताचा पहिला डाव 329 रनवर आटोपला. तर इंग्लंडला पहिल्या डावात फक्त 134 रन करता आले. इंग्लंडचे खेळाडू नियमित अंतरानं आऊट होत होते. त्यावेळी एक मजेदार घटना घडली. या मजेदार घटनेचा व्हिडीओ वीरेंद्र सेहवागनं (Virendra Sehwag) त्याच्या इन्स्टाग्राम अकाऊंटवरुन शेअर (instagram post ) केला आहे.

इंग्लंडच्या विकेट नियमित अंतरानं पडत होत्या. पहिल्या डावात आर. अश्विन हा भारताचा सर्वात यशस्वी बॉलर ठरला. त्यानं सर्वात जास्त पाच विकेट्स घेतल्या. तर पहिलीच टेस्ट खेळणाऱ्या अक्षर पटेलला दोन विकेट्स मिळाल्या. इंग्लंडचे बॅट्समन आऊट झाल्यानंतर भारतीय खेळाडू सेलिब्रेशन करण्यासाठी एकत्र येत होते. त्यावेळी रोहित शर्मानं (Rohit Sharma) ऋषभ पंतला (Rishabh Pant) मजेत टपली लगावल्याची घटना कॅमेऱ्यात कैद झाली आहे. वीरेंद्र सेहवागनं तोच व्हिडीओ शेअर केला (instagram post  आहे.


ऋषभ पंतनं या टेस्टमध्ये विकेट किपिंगसह बॅटिंगमध्येही चांगला खेळ केला आहे. त्यानं पहिल्या डावात 77 बॉलमध्ये सात फोर आणि तीन सिक्सच्या मदतीनं नाबाद 58 रन काढले. हे पंतच सलग चौथ्या टेस्टमधील अर्धशतक आहे. चेन्नई टेस्टच्या पहिल्या डावातही त्यानं 88 बॉलमध्ये 91 रन काढले होते. यापूर्वी ऑस्ट्रेलिया दौऱ्यातील सिडनी टेस्टमध्ये 97 तर ब्रिस्बेन टेस्टमध्ये नाबाद 89 रनची खेळी पंतनं केली होती.