(Ichalkaranji Crime) येथील आरगे भवननजीक काळ्या ओढ्यालगत उसाच्या शेतात व जयसिंगपुरातील शाहूनगरमध्ये घरात सुरू असलेल्या जुगार अड्ड्यांवर (Gambling dens) पोलिसांनी छापा टाकला. दोन्ही कारवाईत रोकडसह सव्वा लाखाचा मुद्देमाल जप्त करून 22 जणांवर गुन्हा दाखल केला. गावभाग, जयसिंगपूर पोलिसांत गुन्हा दाखल केला आहे.
इचलकरंजीत गावभाग पोलिसांनी छापा टाकून जुगार खेळणाऱ्या 15 जणांवर कारवाई करून मोटारसायकल, मोबाईल, जुगार साहित्य व रोकडसह 45 हजार 190 रुपयांचा मुद्देमाल जप्त केला. शिवलिंग शिवाप्पा पाटील (कृष्णानगर), अर्जुन गोपाळ कांबळे (आसरानगर), रेहमान निजाम अन्सारी (कृष्णानगर), गणेश बाबूराव आवळेकर (विक्रमनगर), अतुल पवार (कृष्णानगर), सलीम निपाणीकर, महंमद कोतवाल, सादीक जमादार, राजू कांबळे, राकेश शेंडूरे, किरण कांबळे, मलिक अस्लम, सुरज सातपूते (विक्रमनगर, आरगे मळा) अशी कारवाई केलेल्यांची नावे आहेत.
रविवारी सायंकाळी आरगे भवनपासून थोड्या अंतरावर असलेल्या काळ्या ओढ्याच्या बाजूला उसाच्या शेतात तीनपानी जुगार अड्डा सुरू असल्याची माहिती गावभाग पोलिसाना मिळाली. पोलिसांनी छापा टाकताच चौघे जण सापडले. उर्वरितांनी पलायन केले. यामध्ये 15 जणांना अटक केली. (Ichalkaranji Crime) कारवाईत 45 हजार रुपयांचा मुद्देमाल जप्त केला.
