sharad pawar



reddit politics- महाराष्ट्र विधानपरिषदेच्या पाच जागांची निवडणूक ही तीन पक्षांच्या महाविकास आघाडीच्या माध्यमातून एकत्रितपणे लढवून अपेक्षित यश मिळविण्यासाठी कामाला लागण्याचे आवाहन राष्ट्रवादी काँग्रेसचे अध्यक्ष शरद पवार (sharad pawar) यांनी राष्ट्रवादी काँग्रेसच्या मंत्र्यांच्या मुंबईत घेतलेल्या बैठकीत केल्याचे सूत्रांकडून समजते. बिहारच्या निकालानंतर (bihar election)राज्यातील विरोधक दिवाळीनंतर अधिक आक्रमक होत असल्यामुळे सरकारच्या कामांचा प्रचार आणि जनतेशी संवाद साधण्यात मंत्र्यांनी कमी पडता कामा नये, अशा सूचनाही पवार यांनी दिल्याचे कळते.

Must Read

1) SBI च्या ग्राहकांसाठी नवी सुविधा, चेकबुकसाठी बँक देत आहे ही खास सेवा

2) "ठाकरे कुटुंबाचा व्यवसाय आहे तरी कोणता?

3) तिसऱ्यांदा 'बाबा' झाला RCBचा हा स्टार क्रिकेटपटू, PHOTO शेअर करत दिली गोड बातमी

4) भाजप आमदार प्रसाद लाड यांना कोरोनाची लागण

5) दिवसभराची झोप पूर्ण होऊनही थकवा का जाणवतो?


मुंबईतील यशवंतराव चव्हाण प्रतिष्ठानमध्ये राष्ट्रवादीचे नेते शरद पवार (sharad pawar) यांनी आपल्या पक्षाच्या मंत्र्यांची बैठक घेतली. यात बिहार निकालानंतर गेल्या काही दिवसांपासून राज्यात आक्रमक होत असलेल्या विरोधकांच्या मुद्द्यांना प्रभावी उत्तरे देणे, वीज बिल माफीचा प्रस्ताव आणि त्यावरून दोन्ही काँग्रेसमध्ये मतभेद असल्याची चुकीच्या माहितीचा प्रतिवाद करणे, शेतकऱ्यांना अतिवृष्टी आणि महापुरासाठी भरपाईचा पहिला टप्पा देण्यात आला असला, तरी आणखी दुसऱ्या टप्यातील भरपाई कशी देता येईल, याचा बैठकीत विचार झाल्याचे सूत्रांचे म्हणणे आहे.(reddit politics)

विधानपरिषदेच्या पदवीधर आणि शिक्षक मतदारसंघातील पाच जागा महाविकास आघाडीच्या माध्यमातून लढण्यात येत असल्यामुळे संबंधित जिल्ह्यात पालकमंत्री आणि संपर्कमंत्री यांच्यावर जबाबदारी असली, तरी तीन पक्षातील उत्तम संवाद आणि चांगला समन्वय यातून यात अधिक यश मिळण्यासाठी प्रयत्नांची परकाष्ठा करण्याच्या सूचना शरद पवार यांनी मंत्र्यांना दिल्याचे समजते. 

करोनामुळे राज्याच्या महसुलावर परिणाम झाला असून, निधीच्या उपलब्धतेनुसार आघाडीतील मंत्र्यांच्या विभागांना निधी उपलब्ध होणार आहे. याबाबत तीनही पक्षांच्या मंत्र्यात उत्तम समन्वयाची भावना निर्माण करणे गरजेचे असल्याचा मुद्दा या बैठकीत आल्याचे कळते.