Main Featured

सामान्य नागरिकांना मोठा दिलासा ! पेट्रोल, डिझेल अन् केरोसीनच्या भावात घट


पेट्रोल (petrol), डिझेल (diesel), केरोसीनच्या (kerosene)दारात झालेली घट आणि स्वयंपाक गॅसचे (एलपीजी) दर स्थिर ठेवण्यात यश आल्याने सामान्य नागरिकांना कोरोनाच्या काळात आर्थिक दिलासा मिळाला आहे. पेट्रोल आणि डिझेलच्या दरामध्ये गेल्या महिनाभरात प्रतिलिटरमागे एक ते तीन रुपयांनी घट झाली असून, केरोसीनचे भाव पावणेतेरा रुपयांनी घटले आहेत.


Must Read

तेजस्विनी पंडित फोटोशूट शेअर करत म्हणाली- "वाट पहाते मी गं...

इंडियन ऑईल कॉर्पोरेशनच्या (आयओसी) अधिकाऱ्यांनी दिलेल्या माहितीनुसार, देशभरातील डिझेलच्या किरकोळ विक्री किंमतीत सप्टेंबरमध्ये २.९३ रुपयांनी, तर पेट्रोलच्या दरात लिटरमागे ९७ पैशांनी घट झाली आहे. ऑक्टोबर महिन्यातही डिझेलच्या किमती १७ पैशांनी घटल्या असून, पेट्रोलचे भाव मात्र स्थिर आहेत. घटत्या इंधन दराचा फायदा वाहनचालकांना मिळाला आहे. 

त्यातही डिझेलच्या किमतीत घट झाल्याने मालवाहतुकदारांना दिलासा मिळाला आहे. कोरोनामुळे (कोविड १९) जगभरात टाळेबंदी लागू होती. मागणी घटल्याने आंतरराष्ट्रीय बाजारातील क्रूड ऑईलचे दर शुन्य डॉलर पर्यंत खाली आले होते. या काळात घटलेल्या इंधन दराचा फायदा आता स्थानिक बाजारपेठेत दिसून येत आहे. 

घरगुती स्वयंपाक गॅसच्या दरात जुलै २०२० पासून कोणताही बदल झालेला नाही. पेट्रोलियम कंपन्यांकडून या काळात दरमहा सरासरी १३ कोटी सिलिंडरचा पुरवठा करण्यात आला आहे. तसेच, घरगुती गॅसचे दर स्थिर ठेवल्याने कुटुंबाना त्याचा फायदा झाला आहे. 

रास्त धान्य दुकानामार्फत वितरित केल्या जाणाऱ्या केरोसीनच्या (keroseneदारात मोठ्याप्रमानात घट झाली आहे. फेब्रुवारी २०२० पासून  केरोसीनच्या दरात लिटरमागे तब्बल १२.७३ रुपयांची घट झाली आहे. या महिन्याच्या सुरुवातीस केरोसीनच्या दार २.१९ रुपयांनी खाली आले आहेत. केरोसीनचा प्रतिलिटर दर २५.८४ वरून २३.६५ रुपया पर्यंत खाली आला आहे. केरोसीन ऐवजी एलपीजी वापरास प्रोत्साहन देण्याचे सरकारचे धोरण आहे. त्यामुळे केरोसीनची मागणी घटल्याने दरात सातत्याने घट होत असल्याचे इंडियन ऑईलच्या अधिकाऱ्यांनी सांगितले.