Main Featured

अमित शहांचा चीनला इशारा


Amit-Shah-warns-China

Politics
पूर्व लडाखमधील गलवान खोऱ्यात चिनी सैनिकांनी केलेला घुसखोरीचा प्रयत्न हाणून पाडताना झालेल्या संघर्षात भारताचे २० जवान शहीद झाले होते. तेव्हापासून चीनबद्दल भारतात संतापाची भावना आहे.  त्यातच, चीनने  भारताच्या हद्दीतील जमीनीवर कब्जा केल्याच आरोप सातत्याने विरोधी पक्षांकडून लावण्यात येत आहे. विशेष म्हणजे, संरक्षणमंत्री राजनाथसिंह Rajnath Singh यांनीही चीनने जमिन बळकावल्याचं संसदेत बोलताना सांगितलं. आता, गृहमंत्री अमित शहा Amit Shah यांनी चीनला इशारा दिलाय. 

लडाख-चीन सीमारेषेवरील वादावर अमित शहांनी

Advertise

 भाष्य करताना, मोदी सरकार देशाची एक-एक इंच जमिन वाचविण्यासाठी सक्षम असून कोणीही आमच्या जमिनीवर कब्जा करु शकत नाही, असं अमित शहांनी म्हटलंय. लडाख सीमारेषेवरील चीनच्या प्रत्येक कारवाईचा सामना करण्यासाठी योग्य ते पाऊल उचलत आहे. आम्ही देशाच्या सीमारेषेवरील एक-एक भूभागावर सावधानतेनं लक्ष देतोय. कोणीही आपल्या जमिनीवर कब्जा करु शकत नाही. आपलं सैन्य दल आणि देशाचं नेतृत्व अखंडता आणि सीमा सुरक्षेसाठी सक्षम आहे, असा विश्वासही शहा यांनी व्यक्त केला. 

रम्यान, सध्या चीनने लडाखच्या सीमेवर चालविलेल्या कारवाया लक्षात घेता भारतीय लष्करानेही कोणत्याही आव्हानांना तोंड देण्यासाठी मोठी पूर्वतयारी केली आहे. लडाखच्या सीमेवर तैनात भारतीय सैन्याला रसद पुरविण्याची कामगिरी सी-१७ ग्लोबमास्टर या विमानासह अन्य विमाने, हेलिकॉप्टर पार पाडत आहेत. तिशय उंचावर असलेल्या लेह हवाई तळावर सी-१७ ग्लोबमास्टर हे विमान उतरत असतानाचा एक व्हिडिओ सर्वत्र झळकला आहे. मोठ्या आकाराची संरक्षण उपकरणे, शस्त्रास्त्रे यांच्यापासून ते मोठ्या संख्येने सैनिक, अन्नधान्य व इतर गोष्टी यांची वाहतूक या विमानातून करता येते. सीमेच्या सर्वात जवळ असलेल्या चौक्यांमध्ये तैनात असणाऱ्या जवानांसह सर्व सैन्यालाच आवश्यक गोष्टींचा अखंड पुरवठा होत राहणे आवश्यक असते. युद्धाच्या प्रसंगात तर अशा रसदीचे महत्त्व अनन्यसाधारण असते.

लष्करप्रमुखांचे सीमेवरील स्थितीवर बारीक लक्ष
मॅकडोनल डग्लस या कंपनीने सी-१७ हे विमान अमेरिकी लष्करासाठी १९८० च्या दशकात तयार केले होते. या विमानाचा भारतीय हवाई दलाच्या ताफ्यातही समावेश करण्यात आला आहे. सी-१७ ग्लोबमास्टर विमानातून रणगाडे, दारूगोळा, इंधन, अन्नधान्य, हिवाळ्यामध्ये लागणारे तंबू, गरम कपडे, अशा गोष्टींचा पुरवठा लडाख सीमेवरील भारतीय सैनिकांना केला जात आहे. सीमेवरील स्थितीपासून सर्व गोष्टींवर लष्करप्रमुख मनोज नरवणे हे स्वत: जातीने लक्ष ठेवून आहेत. वाहतुकीसाठी वापरण्यात येणारी हवाई दलातील हेलिकॉप्टर, तसेच सी-१३० जे सुपर हर्क्युलससह अन्य विमानांचा लडाखमध्ये रसद पोहोचविण्यासाठी वापर केला जात आहे.