देशातील ‘या’ 16 राज्यांमध्ये खपवल्या जाताहेत कोटयावधी रूपयांच्या बनावट नोटा, ‘हे’ राज्य टॉपवर
पाकिस्तान (Pakistan) केवळ भारतात आतंकवादी पाठवत नाही तर भारताची अर्थव्यवस्था बिघडवण्यासाठी बनावट नोटा पाठवत आहे. आतापर्यंत तो बांगलादेशमार्गे पश्चिम बंगालमध्ये बनावट नोटा पाठवत असे, परंतु आता त्यांना पाठविलेल्या बनावट नोटा देशाच्या वेगवेगळ्या 16 राज्यात पकडल्या गेल्या आहेत.
इतक्या बनावट नोटा येत आहेत की, पश्चिम बंगाल आता मागे राहिला आहे. या नोटा 2000, 500 आणि 200 रुपयांच्या नोटा स्वरूपात भारतात पाठविल्या जात आहेत. तथापि, देशातील विविध संस्था दरवर्षी मोठ्या संख्येने बनावट नोटा पकडत आहेत.
बनावट नोट प्रकरणात गुजरात, बंगाल आणि पंजाब अव्वल आहेत
अलीकडेच गृह मंत्रालयाने बनावट नोटांशी संबंधित काही आकडेवारी जाहीर केली. ही आकडेवारी गेली चार वर्षे आहे. 2016 ते 2019 पर्यंतचा डेटा जाहीर झाला आहे. किती बनावट नोटा कधी व कोठे पकडल्या गेल्या हे आकडेवारी सांगते. पाकिस्तान(Counterfeit notes to hurt the economy)2000, 500 आणि 200 रुपयांच्या नोटांच्या बनावट नोटा पाठवत आहे.विशेष म्हणजे तीनही प्रकारच्या नोटांच्या रिकव्हरीच्या बाबतीत गुजरात पहिल्या क्रमांकावर आहे.गुजरातमध्ये 12 कोटींपेक्षा जास्त किंमतीच्या बनावट नोटा पकडल्या गेल्या आहेत. पश्चिम बंगालमध्ये 10 कोटी आणि पंजाबमध्ये 50 लाख रुपये. यूपीमध्येही बनावट नोटाच्या व्यापाऱ्यांनी आपले पाय पसरविले आहे.
