Main Featured

आता चीनवर असणार भारताचा 'तिसरा डोळा', अमेरिकेकडून खरेदी करणार ...


Will-buy-from-US-...

पूर्व लडाखमधील वास्तविक नियंत्रण रेषेवर (Ladakh LAC) चीनसोबत सुरू असलेल्या तणावात (India-China Standoff) आता भारत अॅक्शन मोडमध्ये आला आहे. चीनच्या कृत्यावर लक्ष ठेवण्यासाठी भारत आता अमेरिकेकडून 30 MQ-9B गार्डियन ड्रोन (MQ-9B Sky Guardian drone) खरेदी करणार आहे. याद्वारे, LACरील चीनच्या प्रत्येक कृतीची जाणीव वेळेत होऊ शकते. लवकरच या ड्रोनशी संबंधित खरेदीचा प्रस्ताव संरक्षण मंत्री राजनाथ सिंह यांच्या अध्यक्षतेखाली संरक्षण खरेदी परिषदेत सादर करण्यात येणार आहे. यासह, भारत उपग्रह संप्रेषण यंत्राद्वारे आपल्या विद्यमान इस्त्राईल हेरॉनच्या ताफ्याला मजबूत करण्यासाठी सज्ज आहे.

चीन सीमेवरील वाढता तणाव लक्षात घेता भारत आपली संरक्षण खरेदी अधिक तीव्र करीत आहे. वेपन्स सिस्टम ते मिसाईल तंत्रज्ञानावर भारत अधिक भर देत आहे. गरजेनुसार काही शस्त्रे परदेशातूनही खरेदी केली जात आहेत.

आता संरक्षण मंत्रालय अमेरिकेकडून 30 जनरल अ‍ॅटॉमिक्स MQ-9B रेपर ड्रोन खरेदी करण्याची तयारी करत आहे. ‘हिंदुस्तान टाईम्स’ च्या वृत्तानुसार हा करार सुमारे 22,000 कोटी रुपयांचा असेल. हा करार दोन भागात होईल. प्रथम सहा रेपर मध्यम उंचीचे ड्रोन खरेदी केला जाईल. त्यानंतर उर्वरित 24 ड्रोन पुढील तीन वर्षांत देण्यात येतील.

काय आहे या ड्रोन्सची वैशिष्ट्य ?

Advertise

>>ड्रोन तयार करणारी कंपनी जनरल अ‍ॅटॉमिक्सचा असा दावा आहे की हे ड्रोन 27 तासांहून अधिक काळ उड्डाण करु शकतो.

>>MQ-9 रेपर ड्रोनचा कमाल वेग 444.5 किमी / ता आहे. ते 50,000 फूट उंचीवर उडू शकते.

>>MQ-9 एकाच वेळी 12 हालचालींवर लक्ष ठेऊ शकतो. तर, एक क्षेपणास्त्र सोडल्यानंतर फक्त 0.32 सेकंदात आणखी एक क्षेपणास्त्र सोडले जाऊ शकते

>>हे ड्रोन 1746 किलो वजन उचलू शकते. तर ड्रोनवर 1361 किलो वजन लादले जाऊ शकते.

>>या ड्रोनमध्ये फॉल्ट-टॉलरंट फ्लाइट कंट्रोल सिस्टम आणि ट्रिपल रिडंडंट एव्हियनिक्स सिस्टम आर्किटेक्चर आहे.

>>हे अत्यंत मॉड्यूलर ड्रोन आहेत, जे पेलोड सहजतेने कॉन्फिगर करतात. जगात कोठेही डेटा पाठविण्यास ते सक्षम आहेत.

>>हे इलेक्ट्रो-ऑप्टिकल इन्फ्रारेड (EO/IR), सर्वेलियन्स रडार, मल्टी-मोड मरिटम रडार, लिंक्स मल्टी-मोड रडार, इलेक्ट्रॉनिक सपोर्ट उपाय (ESM), लेझर डिझाइनर्स याशिवाय अनेक शस्त्रे पॅकेजेस ठेवण्यास सक्षम आहे. एजीएम -114 हेलफायर क्षेपणास्त्र आणि लेसर मार्गदर्शित बॉम्ब ठेवू शकतात.

>>हे ड्रोन आपोआप डिटेक्ट होऊ शकतात. सिंथेटिक अपर्चर रडार, व्हिडीओ कॅमेरा आणि फॉरवर्ड लुक इनफ्रारेडसह हे ड्रोन सुसज्ज आहे