Main Featured

समलिंगी पत्नीने केली पतीची हत्या; मृतदेहाचे तुकडे करून नाल्यात फेकले


जोधपूर हत्याकांडाचा ४८ तासांत उलगडा राजस्थानमधील जोधपूर शहरात तरुणाची हत्या करण्यात आली होती. त्याच्या मृतदेहाचे तुकडे करून नाल्यात फेकण्यात आले होते. त्यामुळे परिसरात खळबळ उडाली होती. या निर्घृण हत्याकाडांचा उलगडा पोलिसांनी अवघ्या ४८ तासांत केला. मृत तरुणाची पत्नी, दोन मेहुण्या आणि मेहुणीच्या मित्रानं ही हत्या केल्याची धक्कादायक माहिती समोर आली आहे. हत्येनंतर मृतदेहाचे तुकडे करून त्यांनी नाल्यात फेकले होते.
या हत्याकांड प्रकरणात कायदेशीर मर्यादा लक्षात घेऊन पोलिसांनी अधिक तपशील दिले नाहीत. मृत तरूण आणि त्याच्या पत्नीमध्ये वाद होते, अशी माहिती पोलिसांनी दिली. सूत्रांच्या माहितीनुसार, मृत तरुणाची पत्नी ही समलिंगी होती आणि तिचे अन्य एका महिलेशी संबंध होते. त्यामुळे पती-पत्नीमध्ये वाद होत होते. या वादातूनच तिने बहिणींच्या मदतीने पतीची हत्या केली, अशी माहिती उघडकीस आली आहे.

पोलीस उपायुक्त धर्मेंद्र सिंह यादव यांनी सांगितले की, बुधवारी सकाळी नांदडी गोशाळेच्या पाठिमागे एसटीएफ प्लांटजवळ एका अनोळखी व्यक्तीचे कापलेले हात, पाय आणि संध्याकाळी कापलेले शिर आढळून आले होते. या घटनेची गंभीर दखल घेऊन घटनास्थळी एफएसएल पथक, श्वान पथकाला पाचारण करण्यात आले होते. घटनास्थळाची पाहणी केल्यानंतर अनोळखी व्यक्तीच्या हत्येप्रकरणी गुन्हा दाखल करण्यात आला होता. घटनेचे गांभीर्य लक्षात घेऊन वरिष्ठ अधिकाऱ्यांनी अतिरिक्त पोलीस उपायुक्त भागचंद यांच्या नेतृत्वाखाली एसीपी राजेंद्र दिवाकर, अशोक आंजना आणि लालाराम यांचे पथक नेमले. त्यांनी या नाल्याची पाहणी केली. परिसरातील बेपत्ता व्यक्तींची माहिती संपूर्ण राज्यातून मागवली.

पत्नीने चहा करायला दिला नकार, पतीनं केलं भयानक कृत्य'ते' फोटो दाखवून विवाहितेला केलं ब्लॅकमेल; पूर्वाश्रमीच्या प्रियकराला अटकमामाने केला बलात्कार, गरोदर राहिल्याने पतीनं स्वीकारण्यास दिला नकार
ज्या बॅगमधून मृतदेहाचे तुकडे फेकले होते, त्यातील एक बॅग आनंदपूर कालू आणि एक बॅग मेडतामधील दुकानातील होती. त्यावरून बेपत्ता झालेल्या तरुणाची माहिती मिळाली. १० ऑगस्ट रोजी चरणसिंह उर्फ सुशील चौधरी हा बेपत्ता असल्याची तक्रार मेडता शहर पोलीस ठाण्यात दाखल होती. मृतदेहाची ओळख पटवल्यानंतर पोलिसांनी त्या दिशेने तपास सुरू केला आणि या हत्याकाडांचे धागेदोरे हाती लागले. पत्नीनेच आपल्या बहिणींच्या आणि त्यांच्या एका मित्राच्या मदतीने सुशीलची हत्या केल्याचे स्पष्ट झाले.