Main Featured

राजगृह तोडफोड: मनसेचं मराठी समाजाला महत्त्वाचं आवाहन


राज ठाकरेडॉ. बाबासाहेब आंबेडकर यांचं निवासस्थान असलेल्या 'राजगृह'च्या वास्तूवर झालेला हल्ला हा आमच्या प्रज्ञास्थळावरचा हल्ला आहे. महाराष्ट्रधर्मावरचा हल्ला आहे. या भ्याड कृत्याचा निषेध करावा तितका कमीच आहे,' अशी संतप्त प्रतिक्रिया महाराष्ट्र नवनिर्माण सेनेनं दिली आहे. (MNS Reaction on Rajgruha Attack)
दादर हिंदू कॉलनी येथे राजगृह हे बाबासाहेब आंबेडकर यांचे निवासस्थान आहे. मंगळवारी सायंकाळी दोन अज्ञात व्यक्तींनी इमारतीच्या आवारात शिरून मोठ्या प्रमाणात तोडफोड व नासधूस केली. घराच्या काचांवर दगडफेक केली होती. सीसीटीव्ही कॅमेऱ्यांनाही लक्ष्य करण्यात आले होते. या घटनेचे तीव्र पडसाद उमटत आहेत. सर्वच राजकीय पक्षांनी या घटनेचा निषेध केला आहे.

मनसेनंही आपल्या  (MNS Reaction on Rajgruha Attack) अधिकृत ट्विटर हँडलवरून ट्विट करून भावना व्यक्त केल्या आहेत. 'हा आमच्या प्रज्ञास्थळावर हल्ला... हा महाराष्ट्रधर्मावरचा हल्ला... ह्या भ्याड कृत्याचा निषेध करावा तितका कमीच आहे. सरकारने आणि मराठी समाजाने अशा समाजविषाणूंना समूळ नष्ट करण्यासाठी आता कृतिशील व्हावं,' असं ट्विटमध्ये म्हटलं आहे.

मुख्यमंत्री उद्धव ठाकरे यांनीही या घटनेचा निषेध करताना राजगृहाचा अवमान करणाऱ्यांची गय केली जाणार नाही, असा इशारा दिला आहे. तर, उपमुख्यमंत्री अजित पवार यांनी शांतता व संयम राखण्याचं आवाहन जनतेला केलं आहे.

'राजगृह' बाहेर कडेकोट बंदोबस्त

राजगृहवरील तोडफोडीच्या प्रकारची कुठलीही अनुचित प्रतिक्रिया उमटू नये, यासाठी राज्य सरकार सतर्क झालं आहे. आंबेडकरी अनुयायांनी राजगृहबाहेर गर्दी करू नये आणि कोणताही अनुचित प्रकार घडू नये म्हणून तिथं पोलिसांचा मोठा बंदोबस्त तैनात करण्यात आला आहे. या परिसरात तीन वायरलेस  (MNS Reaction on Rajgruha Attack) आणि पोलिसांचा फौजफाटा तैनात करण्यात आला आहे. राजगृह परिसरात येणाऱ्या नागरिकांची कसून चौकशी करण्यात येत आहे.

जितेंद्र आव्हाड यांनी केली पाहणी

गृहनिर्माण मंत्री जितेंद्र आव्हाड यांनी आज जाऊन राजगृहची पाहणी केली व आंबेडकर कुटुंबीयांशी चर्चा केली. या परिसरात एखादी पोलीस चौकी असावी ही आंबेडकर कुटुंबाची मागणी सरकार तातडीनं पूर्ण करेल, असं त्यांनी यावेळी सांगितलं.